大英博物館珍品展

Date: 19/10/2007

大英博物館珍品展場刊(左)及紀念品----酒神磁石 (右)


今日去咗藝術館參觀大英博物館藏珍展, 3:10p.m.去到, 點知今日藝術館6:00p.m.就收工, 未睇晒D展品就畀人踢咗出嚟 -_-

展覽場館有兩個, 1st場館係展覽埃及及歐洲等古物, 第二個就係日本、印度、伊斯蘭及非洲的古物. 我1st場館一睇就睇咗2個鐘, 出返嚟去2nd場館已經係5:15p.m., 今次展覽非常精彩, 1st場館係絕對好睇過2nd場館的, 全場最精彩的展品當然係已經有2900年歷史的「不幸的木賴伊」棺材板, 而最美麗的藝術品就是入門口的一個半身像-------羅馬皇帝哈德良個斷背情人安德諾烏斯. 佢真係~~~~~絕色 (生成咁嘅樣, 唔怪得會畀個國王拐啦!) 連本公差D都為佢犯法-----攞部相機出嚟拍照.

國王哈德良與安提諾烏斯的浪漫故事:
http://blog.sina.com.tw/siempre_noche/article.php?pbgid=13747&entryid=336231

「不幸的木乃伊」棺材板 ( 這件精心繪製的木乃伊蓋板下，躺著一位上層社會的女性木乃伊。在第二十一和第二十二王朝早期，這種經過雕刻和繪畫的蓋板，取代了早期放在木乃伊頭部的面具。蓋板主人的姓名己不可考，但從雕飾風格可以確定其年代和出自底比斯（Thebes）。死者身披一件大花卉圖案的披肩，露出她張開的雙手，披肩下是一組與來世有關的神明繁複構圖，其中包括太陽圓盤和老鷹、伸展翅膀的天空女神努特（Nut）、人頭鳥身的靈魂鳥，和奧斯烈斯（Osiris）的象徵。相傳說擁有她的人會得到不幸, 所以被貫名「不幸的木乃伊」) 資料from: http://www.npm.gov.tw/exh96/britishmuseum250/zh-tw/exh03.html


哈德良 (左) 與 安提諾烏斯 (右)

安提諾烏斯的側面 (看到這個, 我絕對明白為何皇帝哈德良會斷背)


其他有趣的展品:
日本木雕阿彌陀佛頭像 (佢個樣同教授周大偉老師一模一樣樣架. 哈哈~~~~~~)




這些非洲的陶器公仔 / 木雕公仔, 是日常生活的藝術裝飾, 也有用作陪葬之用. (樣子好滑稽啊!)


今次展覽品有200多件, 全部都係神殿的物品、冥界的物品 (仙人的東西)、還有一些已故大師的掃描真蹟. 展出的首飾大部份由黃金製, 並釀有半寶石(如青金石、瑪瑙、石榴石、綠松石...), 不過件件首飾都好大件吓, 例如一隻手鐲, 個圈竟然是我手腕的一倍 (我手腕橢圓形直徑5cm), D耳環SIZE竟然大如手鐲 (好墜手), 黃金介指也畀現時男裝SIZE更大, 唔通以前D人種真係大份D???

但今次展品沒有一件是中國的, 唔知係咪因為香港回歸十周年關係, 世界大盜唔敢攞D國寶嚟刺激現時「正強大中的」大陸佬呢!

完

**注: 場館不能拍照, 所有圖片取自網上, 及從藝術館派發的場刊**