FF7 Crisis Core

Final Fantasy的作者真係好識搵銀, 除咗每年推出了遊戲 (PS2, PC GAME) 外, 近來還推出電影、動畫、仲開始進攻PSP市場添.

本公都係FF嘅裙下之臣, 佢推出嘅畫集, 靚嘅話我盡可能都會買, 例如: FFX - II的畫集, 本公晨早已經買咗.

不過FF近幾排都係食老本, 都係用返最紅嘅FF7來出3D動畫及PSP, 而最近出的是FF7 Crisis Core, 連埋PSP一齊出再送精品, 連PSP背後都紋有FF7公仔, FF7迷必定入貨.

十月幾因人事關係, 水喉怎樣關也關不掉, 但無論怎樣, 這個東西我也要到手^_^. (好肉赤啊!)

曾想過在網上BID價, 但最後還選擇到旺角問價, 最後被我問到一間比網上或指定商舖便宜二百元(未計保護裝貼等裝備) 的店買, 當然即刻成交.

好開心啊! 部機好鬼死靚.

不過, 部機唔係我架.

佢係屬於我家弟的.

「O靚仔~ 生日快樂呀^O^~ 別再成日上網對佢(部機) 單思啦」

明日放工, 我就會將佢包裝得粗糙地, 放在他的工作枱上, 然後 (呵呵...(大風波))

(註: 本公對FF7興趣不大, 對PSP亦不敢興趣, 到目前為止, 我都只係鐘情FFX-II 嗰3位靚女^_^)